Kim Çen In rus "Aurus"unu yeni "Mercedes Maybach"a dəyişdi

Kim Çen In rus "Aurus"unu yeni "Mercedes Maybach"a dəyişib. Britaniyalı jurnalistlər Koreya Mərkəzi Televiziyasının videogörüntüsünə diqqət çəkiblər: daşqından zərər çəkmiş ərazilərə səfər zamanı dövlət başçısı daha bir lüks avtomobil nümayiş etdirib. Videoya əsasən, söhbət ABŞ-də yenilənmiş "Mercedes Maybach GLS 600"dən gedir.

Avtosfer.az bu barədə dailystar.co.uk portalına istinadən xəbər verir.

Xaricdə bu cür yolsuzluq avtomobillərinin qiyməti 178 450 dollardan başlayır.

Mart ayında Şimali Koreya lideri Rusiya tərəfdən hədiyyə aldığı zirehli limuzin - "Aurus Senat"a keçmişdi. Sonra Vladimir Putinin Pxenyana səfəri zamanı ona "Aurus Senat" verildi. Bir müddət Kim Çen In müntəzəm olaraq "Aurus"dan istifadə edirdi, lakin indi "Mercedes-Benz" məhsullarına qayıdır.

Sanksiyalara baxmayaraq, Şimali Koreya liderinin avtomobil parkında çox nadir və bahalı modellər - "Mercedes Maybach S 650,2019", "Mercedes Maybach S 650 Pullman", restaylinq edilmiş "Mercedes Maybach GLS", zirehli "Mercedes Maybach 57" və yeddinci nəsil "Rolls-Royce Phantom" var. Yeni yolsuzluq avtomobili 2024-cü il model sırasına aiddir və böyük işıqlarına görə, əvvəlcə Şimali Amerika bazarı üçün nəzərdə tutulmuşdu.

(oxu.az)