"Tesla" bütün avtomobillərində avtopilotdan imtina edib

"Tesla" korporasiyası öz saytından markanın bütün elektrik avtomobillərinin avtopilot funksiyasına malik olması ilə bağlı bəyanatı silib.

Avtosfer.az bu barədə "Electrek"ə istinadən xəbər verir.

2019-cu ilə qədər dərc edilmiş bütün yazılar "Tesla" bloqundan silinib. Xüsusilə, müəlliflər 2016-cı ildən etibarən markanın tamamilə bütün elektrik avtomobillərinin avtopilot funksiyası ilə təchiz edildiyini bildirən yazının yoxa çıxdığını qeyd ediblər. Bu qeydin nüsxələri müxtəlif internet arxivlərində saxlanılıb.

"Electrek"in mütəxəssisləri "Tesla" rəhbərlərinin bu qərarını "biabırçılıq" adlandırıblar. Müəlliflər qeyd ediblər ki, İlon Maskın korporasiyası səkkiz il əvvəl bu bəyanatı verməyə tələsib və açıq-aydın öz istehlakçılarını çaşdırıb və indi bu bəyanatı rədd edib.

Şirkət öz elektrik avtomobillərini özüişləyən avtomobillər kimi reklam etməyə davam edir. Bununla belə, istifadəçi müqaviləsində qeyd olunur ki, elektriklə işləyən avtomobillər özbaşına hərəkət edə bilməz - "Full Self-Driving" funksiyasından istifadə edərkən istifadəçi əllərini sükanda saxlamalı və istənilən vaxt avtomobilin idarəedilməsini öz üzərinə götürməyə hazır olmalıdır.

(oxu.az)