Özbəkistanın 24 nəqliyyat və logistika mərkəzi quru liman statusu alıb - FOTO

Birləşmiş Millətlər Təşkilatının Asiya və Sakit Okean üzrə İqtisadi və Sosial Komissiyasının (UNESCAP) “Quru Limanlar üzrə Hökumətlərarası Saziş”ə uyğun olaraq Banqkokda Quru Limanları üzrə 6-cı İşçi Qrupunun iclası keçirilib. Avtosfer.az "Teleqraf"a istinadən xəbər verir ki, bu barədə Özbəkistan mediası məlumat yayıb. İşçi qrupunun iclasında Özbəkistanda yerləşən 24 nəqliyyat və logistika mərkəzinə beynəlxalq quru liman statusu verilib. Quru limanlarının regionlar üzrə bölgüsü belədir: Daşkənd şəhərində 7, Daşkənd vilayətində 4, Fərqanə və Surxandərya vilayətlərində hər birində 3, Qaraqalpaqıstan Respublikasında 2, Cizzəx, Nəvai, Səmərqənd, Namanqan və Buxara vilayətlərində hər birində 1 liman.