Prezident: ABŞ-nin COP29-a dəstəyi böyük əhəmiyyət kəsb edir

COP29 4 İyul 2024 11:51 Oxunub 206
Prezident:  ABŞ-nin COP29-a dəstəyi böyük əhəmiyyət kəsb edir
WhatsApp kanalımıza abunə ola bilərsiniz

Prezident İlham Əliyev ABŞ-nin COP29-a, ümumi iqlim məqsədlərinin irəli aparılması yolunda dəstəyinin böyük əhəmiyyət kəsb etdiyini bildirib.

Avtosfer.az xəbər verir ki, bu barədə Prezident İlham Əliyevin ABŞ Prezidenti Cozef Baydenə Müstəqillik Günü münasibətilə göndərdiyi məktubda qeyd olunub.

Azərbaycan lideri humanitar, mədəniyyət və turizm sahələrində, sivilizasiyalararası dialoqun təşviqində də Azərbaycan-ABŞ münasibətlərinin genişlənməsində maraqlı olduğunu vurğulayıb:

“Xalqlarımızın mənafeləri naminə qarşılıqlı maraq doğuran bütün sahələrdə, xüsusilə də iqlim dəyişmələri və yaşıl enerjiyə keçid məsələlərində ABŞ ilə birgə səylər göstərməyə hazır olduğumuzu vurğulamaq istəyirəm. ABŞ-nin noyabr ayında Bakıda keçiriləcək COP29-a, tədbir çərçivəsində ümumi iqlim məqsədlərinin irəli aparılması yolunda dəstəyi böyük əhəmiyyət kəsb edir. Biz eyni zamanda humanitar, mədəniyyət və turizm sahələrində, sivilizasiyalararası dialoqun təşviqində də Azərbaycan-ABŞ münasibətlərinin genişlənməsində maraqlıyıq”.

(report)

ŞƏRH YAZ
Ad

E-mail

Şərh