Prezidentin Sərəncamı neçə könüllüyə şamil olunub?

Ötən ilin noyabr ayında Bakıda keçirilən COP29 tədbirinin uğurlu təşkil olunmasında iştirak edən hər bir könüllüyə təşəkkürnamə və 1500 manat məbləğində xüsusi pul mükafatı ayrılıb.

Avtosfer.az xəbər verir ki, bu, Azərbaycan Respublikasının Prezidenti İlham Əliyevin imzaladığı müvafiq Sərəncamda öz əksini tapıb. 

COP29 Azərbaycan Əməliyyat Şirkətinin İşçi qüvvəsi departamentinin Könüllülərlə iş sektorunun rəhbəri Adilə Əliyeva bildirib ki, ölkədə keçirilən beynəlxalq tədbirə ümumilikdə 3000 könüllü cəlb olunub. 

Beləliklə, ölkə liderinin imzaladığı Sərəncam 3000 COP29 könüllüsünə şamil edilib. Onların hər biri 1500 manat pul mükafatı alıblar ki, bu da ümumilikdə 4 milyon 500 min manata bərabərdir.