Altı YDM şəbəkəsi 936 milyon cərimələndi - Yanacağın ...

İtaliyada fəaliyyət göstərən 6 yanacaqdoldurma məntəqəsi (YDM) şəbəkəsinə ümumilikdə 936 milyon avrodan çox cərimə tətbiq olunub.  Avtosfer.az "AZƏRTAC"a istinadən xəbər verir ki, bu barədə İtaliyanın Rəqabət Təşkilatı (“Antitrust”) məlumat yayıb. Bildirilir ki, araşdırma zamanı “Eni”, “Esso”, “IP”, “Q8”, “Saras” və “Tamoil” YDM şəbəkələrinin yanacağın qiymətinə daxil olan bioəsaslı komponentin dəyərini müəyyən etmək üçün birgə koordinasiya etdikləri məlum olub. Belə ki, “Iplom” və “Repsol” YDM şəbəkələri istisna olmaqla, digər bütün şəbəkələr avtomobil yanacağının satışında rəqabəti məhdudlaşdıran birgə müqavilə bağlayıblar. “Antitrust” “Eni”ni 336,2 milyon avro, “Esso”nu 129,3 milyon, “IP”ini 163,6 milyon, “Q8”i 172,5 milyon, “Saras”ı 43,7 milyon və “Tamoil”i isə 91 milyon avro cərimələyib.