Avropa bizdən 1 gün əvvəl bayram edir – SƏBƏB - FOTO

Faşizm üzərində qələbə 1946-cı ildən etibarən əksər Avropa ölkələrində qeyd edilir. Azərbaycanda da bu tarixi gün hər zaman qeyd edilib.

Avtosfer.az xəbər verir ki, SSRİ-nin süqutundan sonra sovet xalqları bir məsələdən agah oldular: sən demə bu əlamətdar gün Avropada mayın 8-də qeyd edilirmiş. Sadəcə olaraq sovet senzurası bayram tədbirləri barədə 1 gün sonra məlumat verərək Avropa ilə SSRİ-ni texniki dillə desək, “sinxronlaşdırırdı”. 

Lakin yalanın ömrü heç 50 il çəkmədi. İnternet əsrində insanlar Avropada 8 may günü bayram edildiyini gördülər və belə bir sual yarandı: nə üçün SSRİ 1 gün gecikir?

Bu məsələ barədə çox sayda spekulyasiya baş versə də, reallıq fərqlidir. Məsələnin siyasi baxışlarla heç bir əlaqəsi yoxdur. Səbəb coğrafi yerləşmə ilə bağlıdır.

Almaniyanın danışıqsız təslim olması barədə akt Berlində mayın 8-də saat 23.01-də (Mərkəzi Avropa vaxtı) imzalanıb. Həmin gün Moskvada artıq 9 may saat 01.01 idi. Bir sözlə, fərq saat qurşağı ilə əlaqədardır və siyasətlə əlaqəsi yoxdur.

Vüqar