Azərbaycan bu ölkə ilə viza tələbini ləğv etdi

Azərbaycanla Qətər arasında qarşılıqlı viza tələbi ləğv edilib. 

Avtosfer.az xəbər verir ki, "Azərbaycan Respublikası Hökuməti ilə Qətər Dövləti Hökuməti arasında ümumvətəndaş pasportlara malik şəxslər üçün viza tələbinin qarşılıqlı aradan qaldırılması haqqında" saziş imzalanıb.

Sözügedən sazişi Azərbaycanın xarici işlər naziri Ceyhun Bayramov və Qətərin Baş nazirinin müavini və xarici işlər naziri şeyx Məhəmməd bin Əbdülrəhman Al-Tani imzalayıblar.