Azərbaycan Ordusunun döyüş maşınları heyətlərinin yarışı keçirilir - VİDEO - FOTO

Təsdiq olunmuş döyüş hazırlığı planına əsasən, Quru Qoşunlarında “Ən yaxşı PDM-2, PDM-3 və ZTR-82A heyəti” adı uğrunda yarış keçirilir.

Bu barədə Avtosfer.az-a Müdafiə Nazirliyindən məlumat verilib.

Şəxsi heyətin döyüş hazırlığını yüksək səviyyədə saxlamaq məqsədilə keçirilən yarış dörd mərhələdən ibarətdir.

Fiziki hazırlıq, atəş hazırlığı və sürücülük üzrə tapşırıqları icra edən hərbi qulluqçular, yarışın qaydalarına uyğun olaraq fərdi və heyət şəklində normativləri də yerinə yetirirlər.

Yarış noyabrın 4-dək davam edəcək.