Azərbaycanda avtomobil sığortasında – DAHA BİR YENİLİK

Azərbaycanda avtomobillərin icbari sığorta müddətinin başa çatması ilə bağlı avtomobil sahiblərinə göndərilən SMS bildirişlərin sayı azalacaq, onları yeni üsullar əvəz edəcək. Avtosfer.az xəbər verir ki, bu barədə FED.az-a müsahibəsində İcbari Sığorta Bürosunun icraçı direktoru Vüsal Məsiyev bildirib. Qeyd edək ki, hazırda Azərbaycanda qeydiyyatda 1,6 milyondan çox avtomobil var. Avtomobillərin icbari sığortasının yenilənməsi ilə bağlı 1 ay müddət qalmış avtomobil sahiblərinə 9707 qısa mesaj xidmətindən SMS-lər göndərilir. Bu isə öz növbəsində il ərzində təxminən 150-200 min manat civarında xərc deməkdir. İSB rəhbəri xatırladıb ki, hazırda avtomobillərin icbari sığorta müddətinin başa çatması ilə bağlı SMS bildirişlərin göndərilməsi müəyyən maliyyə vəsaiti tələb edir. Ölkədə avtomobillərin sayının artması nəticəsində bu xidmətə ayrılan vəsait də dinamik olaraq artır. Bu da İcbari Sığorta Bürosunun büdcəsində nəzərə alınır. İSB rəhbəri bildirib ki, məhz bu səbəbdən 2025-ci il üzrə SMS xidmətlərinin avtomatlaşdırılması və daha rəqəmsal formatlara keçid istiqamətində tədbirlər nəzərdən keçirilir: «Bu məqsədlə myGov və e-sosial mobil tətbiqləri üzərindən bildirişlərin çatdırılmasını təmin etməklə SMS sayını azaltmaq niyyətindəyik. Məqsəd həm maliyyə resurslarına qənaət etmək, həm də xidmətin daha effektiv və müasir üsullarla vətəndaşlara təqdim olunmasını təmin etməkdir".
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq
İlham Əliyevin sosial şəbəkə hesablarına kiberhücumlar müşahidə olunur
Prezident İlham Əliyev televiziya və radio işçilərini təbrik edib
Prezident İlham Əliyev Mahmud Abbası təbrik edib












