Bağırov körpüsündə və digər təhlükəli ərazilərdə təlim keçirildi - FOTO

Paytaxtda Bakı Şəhər İcra Hakimiyyəti tərəfindən Fövqəladə Hallar Nazirliyinin Dövlət Yanğından Mühafizə Xidməti, Azərbaycan Dövlət Su Ehtiyatları Agentliyi və Avtomobil Yolları Dövlət Agentliyi ilə birgə təlimlər keçirilib.

Avtosfer.az xəbər verir ki, təlimlərdə gələcəkdə baş verə biləcək fövqəladə halların qarşısının alınması və nəticələrinin aradan qaldırılması istiqamətində görüləcək tədbirlərin, eləcə də belə vəziyyətlərdə təşkilatların üzərinə düşən vəzifələrin müzakirəsi, maarifləndirmə işinin gücləndirilməsi diqqət mərkəzində olub.

Təlimlər Heydər Əliyev prospektində son yağışlar zamanı su basmış körpünün yaxınlığında, eləcə də paytaxtın digər potensial təhlükəli ərazilərində keçirilib. Təlim zamanı dövlət qurumlarının nümayəndələri görüləcək zəruri tədbirləri müzakirə ediblər.

Təlimlər zamanı bütün xidmətlərin yaxşı əlaqələndirilmiş və koordinasiya olunmuş işi qeyd edilib.