Bakıda ağır qəza: 22 yaşlı oğlan öldü

Bakıda ölümlə nəticələnən yol-nəqliyyat hadisəsi baş verib. Bakı Şəhər Baş Polis İdarəsindən Lent.az-a verilən məlumata görə, mayın 22-si saat 01:30 radələrində Nizami rayonu Qara Qarayev prospektində 1994-cü il təvəllüdlü Tamerlan Məmmədov idarə etdiyi «Niva» markalı avtomobili yol kənarında dayanmış «Opel» və «Mercedes» markalı avtomobillərə vurub. Nəticədə T.Məmmədov və sərnişini, 1992-ci il təvəllüdlü Şamil Xanmirzəyev xəsarətlə xəstəxanaya yerləşdirilib. Ş.Xanmirzəyev orada dünyasını dəyişib.