Bakıda daha bir yol təmirə bağlandı

Dünən saat 23:00-da Həsən Əliyev küçəsinin Şəmsi Rəhimov küçəsi ilə kəsişmədən Azadlıq prospekti ilə kəsişməsinədək olan hissəsində təmir işlərinə start verilib. Nəqliyyat Nazirliyi “Azəryolservis” ASC-nin mətbuat xidmətinin rəhbəri Pünhan Mürsəliyevin verdiyi məlumata görə, təmir işləri çərçivəsində kommunikasiya qurğularının dəmir beton piltələri dəyişdirilir, müasir baxış qapaqları qoyulur. Bu işlər yekunlaşdıqdan sonra köhnə asfalt-beton örtüyü müasir mexanizm vasitəsilə qaşınacaq. Bundan sonra yeni asfalt-beton örtüyü salınacaq. İşin bir həftə davam edəcəyi gözlənilir.

Emin