Bakıda marşrut avtobusunun sürücüsü sükan arxasında telefonla oynadı - VİDEO

Sürücü avtobus idarə edə-edə telefonla oynayır... Bir əlində telefonla, digəri ilə sükanı idarə edən sürücü elə yola da bir gözü ilə baxır...

Avtosfer.az xəbər verir ki, kadrlardakı şəxs 202 nömrəli avtobusun sürücüsü Cəmil Məmmədovdur.

Görüntülər isə həmin avtobusdakı sərnişin tərəfindən lentə alınıb. Rastlaşdığı təhlükəli vəziyyətlə bağlı müraciət edən sərnişinin sözlərinə görə, həmin sürücü telefona başı qarışdığı üçün bir dəfə qəza şəraiti də yaradıb. Həmin marşrut xəttinin sürücüləri isə  deyirlər ki, onlar ancaq avtobusu saxladıqları zaman telefona cavab verə bilərlər. Əks halda şirkət tərəfindən cərimələnirlər. Məsələ ilə bağlı AYNA-dan bildirildi ki, müntəzəm marşrut xətti üzrə sərnişin avtobusunu idarə edən sürücünün sükan arxasında telefondan istifadə etməsi qayda pozuntusu olmaqla yanaşı daşımaların təhlükəsizliyi baxımından da risk yaradır. Qeyd olunan qayda pozuntularına qarşı inzibati tənbeh tədbirinin görülməsi AYNA-nın səlahiyyətinə aid olmasa da, marşrut xətləri üzrə daşıyıcılara xəbərdarlıq edilib. Sözügedən marşrutun sürücü barədə daşıyıcıya müvafiq tədbirin görülməsi tapşırılıb.

Ətraflı videomaterialda.