Bakının daha bir məktəbi karantinə BAĞLANDI - FOTO

Bakının daha bir təhsil müəssisəsində şagirdlər arasında koronavirusa yoluxma faktı aşkarlanıb. Bu səbəbdən bir sinif fəaliyyətini dayandırıb. Söhbət Xətai rayonu ərazisində yerləşən Kaspi Liseyinin Ağ şəhər filialının 7-ci sinfindən gedir. 

Avtosfer.az xəbər verir ki, Bizim.Media-ya bu barədə məlumat verən mənbənin sözlərinə görə bu gündən etibarən həmin sinifdə əyani tədris prosesi 14 gün müddətində distant təhsillə əvəz olunub.

Xatırladaq ki, yeni tədris ili başlayandan bir neçə təhsil müəssisəsində virusa yoluxma faktı qeydə alınıb.

Son olaraq Tahir Həsənov adına 23 nömrəli məktəbin üç sinfində, Baku-Oxford School-da, 162 nömrəli tam orta məktəbin 8 ç sinfində şagirdlərin COVID-19 infeksiyasına yoluxması təsdiq olunduğu üçün 14 gün müddətində karantinə bağlanıb. 

Qeyd edək ki, təhsil müəssisələrində təhsil əyani formada tədris olunur.