Bu ay hava çoxillik iqlim normasına yaxın olub

Respublikanın əksər bölgələrində may ayının birinci ongünlüyü havanın orta temperaturunun çoxillik iqlim normasına yaxın, bəzi yerlərdə 1ºC yüksək və yağıntılı hava şəraiti ilə səciyyələnib.

Milli Hidrometeorologiya Xidmətindən Avtosfer.az-a verilən xəbərə görə, havanın dekadalıq orta temperaturu Maştağada 14,5ºC, Mərkəzi Aran, Mil-Muğan və Qarabağ bölgələrində 16-17⁰C, Lənkəran-Astara bölgəsində 12-17ºC, Qubada 12ºC, Şəki-Zaqatalada 15-16⁰C, Dağlıq Şirvan bölgəsində 12-13ºC, Gəncə-Daşkəsəndə və Naxçıvanda 16ºC, Qazax-Tovuzda 9-15⁰C təşkil edib. Havanın minimum temperaturu Qazax və Gədəbəydə 3ºC, Qubada 6ºC, Dağlıq Şirvanda 7-8ºC, Ceyrançöl və Naxçıvanda 8ºC, Tovuz, Şəki, Zaqatalada 9ºC, Maştağa, Gəncə, Lənkəran və Göyçayda 10ºC, Cəfərxan, Zərdab və Bərdədə 11ºC, Astarada 13ºC qeydə alınıb. Nisbi rütubət Dağlıq Şirvanda 72-84%, Gəncə-Daşkəsəndə 69%, Qazax-Tovuz bölgəsində 54-86%, Naxçıvanda 68%, Maştağada 76%, Lənkəran-Astara bölgəsində 75-87%, Mil-Muğanda 63-75%, Şəki-Zaqatalada 77-83%, Qubada 74%, Mərkəzi Aran və Qarabağda 70% təşkil edib. Rütubət çatışmazlığı Lənkəran-Astara bölgəsində 2-6 hPa, Şəki-Zaqatalada 3-4hPa, Dağlıq Şirvanda 3-5 hPa, Gəncə, Mərkəzi Aran, Naxçıvan və Qarabağ bölgəsində 6-7 hPa, Mil-Muğanda 6-8 hPa, 6-7 hPa, Maştağa və Qubada 4 hPa, Qazax-Tovuzda 2-8 hPa olub. Rütubət çatışmazlığı Lənkəran-Astara bölgəsində 2-6 hPa, Şəki-Zaqatalada 3-4hPa, Dağlıq Şirvanda 3-5 hPa, Gəncə, Mərkəzi Aran, Naxçıvan və Qarabağ bölgəsində 6-7 hPa, Mil-Muğanda 6-8 hPa, 6-7 hPa, Maştağa və Qubada 4 hPa, Qazax-Tovuzda 2-8 hPa olub. Sürəti 15 m/san-dən yuxarı olan küləkli günlərin sayı 4 gün, küləyin maksimum sürəti Maştağada 33 m/san, 9 gün Goranboyda 26 m/san, 2 gün Gəncədə 20 m/san, Tərtərdə 18 m/san, Sabirabadda 17 m/san, 1 gün Tovuzda 24 m/san,Biləsuvarda 18 m/san, Bərdədə 16 m/san müşahidə olunub.