Bu ərazidə piyada keçidi var, amma.. - FOTO

Səkisiz qalan piyadalar obyektlərin pilləkənlərinə üz tutur.
Avtosfer.az xəbər verir ki, piyadaların şikayətinə səbəb olan hadisə Nərimanov rayonunun Fətəli Xan Xoyski küçəsində qeydə alınıb. Həvəskar kamerasına düşən fotoşəkillərdən də məlum olduğu kimi piyadaların hərəkətini həyata keçirəcək səkilər yoxdur. Onun əvəzinə birbaşa avtomobil yoluna baxan obyektlərin pilləkənləri mövcuddur. Belə ki, piyada, keçiddən istifadə edib yolu digər tərəfə keçdikdə avtomobillərlə eyni yolu paylaşmaq məcburiyyətində qalır. İkinci variantda isə obyektin pilləkənlərinə qalxaraq yenidən yola düşməli olurlar. Dayanma-durma qaydasına əməl etməyən sürücülərin kifayət qədər olduğunu nəzərə alaraq bu tipli halların da üstünə gəlməsi piyadalar üçün əlavə çətinlik və təhlükə yaşatdığının bariz nümunəsidir. 

Nərmin