Daha iki yol bağlanır

Paytaxtda daha iki yolda nəqliyyat vasitələrinin hərəkəti qismən məhdudlaşdırılacaq. Nəqliyyatı İntellektual İdarəetmə Mərkəzindən verilən məlumata görə, yol cizgiləri xətlərinin, piyada keçidlərinin və yol göstərici xətlərin yenidən rənglənməsi məqsədilə bu gün saat 11:00-dan etibarən, Mikayıl Müşfiq küçəsində ("Qurd qapısı"ndan Nəriman Nərimanovun heykəlinə qədər) nəqliyyat vasitələrinin hərəkəti qismən məhdudlaşdırılacaq. Həmçinin yol cizgiləri xətlərinin, piyada keçidlərinin və yol göstərici xətlərin yenidən rənglənməsi məqsədilə bu gün saat 22:00-dan etibarən, Hüseyn Cavid prospektində nəqliyyat vasitələrinin hərəkəti də tam məhdudlaşdırılacaq. Sürücülərə alternativ olaraq Mətbuat prospektindən istifadə etmələri tövsiyə olunur.

Emin