"Deputat ictimai nəqliyyatda gedişhaqqının artırılmasından danışdı

"İctimai nəqliyyatda qiymətin artırılması iqtisadi cəhətdən əsaslandırıla bilər. Başqa yerlərdə ictimai nəqliyyatın qiyməti artırılanda mütləq imtiyazlı təbəqənin hansı formada bundan yararlanacağı qeyd olunur".

Avtosfer.az xəbər verir ki, bunu Milli Məclisin bu gün keçirilən plenar iclasında deputat Fazil Mustafa deyib.

"Bizdə isə tələbələrin, şəhid ailələrinin övladlarının, ayrı-ayrı aztəminatlı şəxslərin, daun-autizm xəstəsi olan uşaqların, müalicəyə gedənlərin hansı formada daşınacağı, onların glir səviyyəsi onsuz da artmır, hansısa imtiyazlı təbəqənin müəyyən kartlarla təmin olunması məsləsi problem olaraq qalır”, - deyə deputat bildirib.