Deputat tıxaclara görə qurumları tənqid etdi - "Yol polisi də yesir qalıb"

“Yağış suyunun kanalizasiyalara axıdılması dünyada Azərbaycanın yeniliyidir. Başqa yerdə belə bir şey yoxdur”. Avtosfer.az-ın xəbərinə görə, bunu Milli Məclisin deputatı Fazil Mustafa parlamentin bu gün keçirilən plenar iclasında deyib. O bildirib ki, müvafiq qurumlar tıxacla bağlı cəmiyyətə məlumat verməlidir: “Bu gün paytaxtda çox böyük tıxaclar var. Bakının yüklənməsinin əziyyətini insanlar çəkməməlidir. Bununla bağlı insanlara məlumat verilməlidir”.

F.Mustafa bildirib ki, Bakı yollarında vəziyyət acınacaqlı hala gəlib. “Bu gün deputat da, tələbə də, iş adamları da tıxaclarda qalır. Bu məsələ həll edilməlidir. Yol polisi də tıxacların əlində yesir qalıb, nəqliyyatın hərəkətini nizamlamağa çalışır”, - deyə F.Mustafa əlavə edib.

Emin