Dubay aeroportuna uçuşlar müvəqqəti dayandırıldı - VİDEO - YENİLƏNİB

Dubay (BƏƏ) hava limanına PUA hücumundan sonra aviareyslərin bir hissəsi bərpa olunur.

Avtosfer.az xəbər verir ki, bu barədə yerli qurumlar rəsmi məlumat yayıblar.

"Mülki Aviasiya İdarəsi ehtiyat tədbiri olaraq tətbiq edilən müvəqqəti dayandırmadan sonra Dubay Beynəlxalq Hava Limanının ayrı-ayrı istiqamətlər üzrə bəzi reyslərinin tədricən bərpa olunduğunu elan edib", - deyə məlumatda bildirilib.

***10:53

Dubay hökuməti sərnişinlərin və personalın təhlükəsizliyini təmin etmək məqsədilə hava limanında uçuşların müvəqqəti dayandırıldığını elan edib.

Avtosfer.az xarici mətbuata istinadən xəbər verir ki, bu qərar hava limanının ərazisinə pilotsuz uçuş aparatının düşməsi nəticəsində yanacaq çəninin zədələnməsi və yanğının baş verməsi ilə bağlı qəbul olunub.

Dubay Beynəlxalq Hava Limanında həyata keçirilməli olan reyslərin regiondakı digər aeroportlara yönləndirildiyi bildirilir.

Yerli polis yanğın səbəbilə Dubay hava limanına gedən yolda magistral yolun və tunelin müvəqqəti bağlandığını açıqlayıb.