FHN sürücülərə müraciət etdi - Avtomobilinizi bu şəkildə saxlamayın! - VİDEO

Sakinlər avtomobilləri nizamsız halda park edirlər ki, bu da yanğın və digər fövqəladə hallar zamanı xüsusi texnikaların hadisə baş verən sahələrə girişində böyük məhdudiyyətlər yaradır, vaxt itkisinə səbəb olur. Fövqəladə Hallar Nazirliyinin Dövlət Yanğın Nəzarət Xidmətinin təşkilatçılığı ilə Nəsimi rayonu ərazisində şərti yanğın təlimi keçirilib. Hadisə yerinə gələn yanğınsöndürmə avtomobilinin hadisə baş verən ünvana daxil olmaqda çətinlik çəkdiyi əyani şəkildə göstərilib.

Avtomobillər nizamsız halda park edilib, bu da yanğın və digər fövqəladə hallar zamanı xüsusi texnikaların hadisə baş verən sahələrə girişində ciddi məhdudiyyətlər yaradır.

Görüntülər Nəsimi rayonu Vladislav Plotnikov, Mirəli Qaşqay, Eldar Tağızadə və Ceyhun Hacıbəyli küçələrini əhatə edən yaşayış kompleksinin ərazisindəndir. Ərazidə yaşayan sakinlər bildirirlər ki, kompleksdə hər hansı bir yanğın və digər hadisələr baş verdikdə yanğınsöndürmə avtomobili hadisə baş verən ünvana daxil olmaqda çətinlik çəkir. Bu gecikmələr də xoşagəlməz hadisələrlə, hətta insan itkiləri ilə nəticələnə bilir. 

Elə bu məqsədlə həmin ərazidə FHN şərti yanğın təlimi keçirib. Bu çərçivədə yanğın həyəcanı verilib. Hadisə yerinə gələn yanğınsöndürmə avtomobilinin hadisə baş verən ünvana daxil olmaqda çətinlik çəkdiyi əyani şəkildə göstərilib.

Dövlət Yanğın Nəzarəti Xidmətinin rəis müavini, polkovnik Aqşin Kazımov bildirdi ki, şərti yanğın təliminin keçirilməsində məqsəd Bakının sıx yaşayış ünvanlarına və hərəkətin intensiv hissələrində mövcud vəziyyəti ictimaiyyətə çatdırmaqdır.

Rəis müavini sakinlərə müraciət edərək, onları fövqəladə hallara qarşı birlikdə müzakirə aparmağa və avtomobillərin park edilməsi zamanı mümkün riskləri nəzərə almağa çağırıb.