"Güllələnmənin ləğvinə çox təəssüflənirəm" - Azərbaycanlı deputat

Xəbər verdiyimiz kimi, İmişlidə atalığı tərəfindən təcavüzə məruz qalan 11 yaşlı qız hamilə qalıb və dünən uşaq dünyaya gətirib. Onun atalığı artıq həbs edilib. Respublika Klinik Xəstəxanasının patologiyası şöbəsində 30-31 həftəlik, qeysəriyyə əməliyyatı ilə dünyaya gələn körpənin vəziyyəti ağırdır.

Məsələ ilə bağlı Sonxeber.az-a deputat Aqil Abbas fikir bildirib.

Ölüm hökmünün ləğv edildiyinə təəssüflənən deputat qız övladı olan ananın ikinci dəfə ailə qurmasına da münasibət bildirib:

"Qız övladı olan analar niyə də ailə qurmasınlar?! Uşağı var deyə, cavan gəlin ailə həyatı qurmayacaq? Hər kəs o uşağın atalığı kimi əclaf çıxmayacaq ki! Elə şey olar? İnsandır, o da ailə qurmalıdır. Məgər 1-2 nəfər əqidəsizə görə qız övladı olan gəlinlər evdə dul qalmalıdırlar?!

O şərəfsiz isə layiqincə cəzasını almalıdır! Mən güllələnmə hökmünün ləğv edilməsinə çox təəssüflənirəm. Amma edamı yenidən bərpa etmək mümkün deyil, yalnız təəssüflənmək olar. Çünki dünyada bu sistem başqadır. Edam cəzasını Azərbaycanda bərpa etmək Avropa ilə düşmən olmaq deməkdir".