Maştağa-Zabrat yolunda ağır qəza: ölənlər və yaralılar var

Mayın 18-nə keçən gecə Bakıda daha bir dəhşətli yol qəzası baş verib. Sabunçu rayon Polis İdarəsindən Lent.az-a verilən məlumata görə, Maştağa-Zabrat yolunda, Məmmədyarov dairəsi yaxınlığında  “MG” və “BMW” markalı iki minik avtomobili toqquşub. Nəticədə avtomobillərdə olan 2 nəfər hadisə yerindəcə dünyasını dəyişib. Daha 4 nəfər isə ağır bədən xəsarətləri ilə 3 saylı şəhər xəstəxanasına yerləşdirilib. Yaralılardan birini sıxılmış vəziyyətdə qalmış avtomobil hissələrinin arasından FHN-in xilasediciləri çıxarıb. Bildirilir ki, qəzaya avtomobillərdən birinin həddindən artıq sürətlə hərəkət etməsi və digərinin yoluna çıxması səbəb olub.