Pensiyalara 50 manat əlavə: Bu tarixdə veriləcək

Məlum olduğu kimi, Prezident İlham Əliyev “Əmək pensiyaçılarının sosial müdafiəsi sahəsində əlavə tədbirlər haqqında” Sərəncamı ilə əmək pensiyaçılarına bir ildə əlavə 200 manat verilir. 

Sərəncama görə, 200 manat il ərzində 4 dəfə olmaqla hər rübün əvvəldə ödənilir. Avtosfer.az xəbər verir ki, artıq cari ildə 2 dəfə 50 manat olmaqla pensiyalara edilən əlavələr ödənilib. Növbəti, üçüncü ödəniş isə iyul ayının pensiyaları ilə birgə ödəniləcək. Qeyd edək ki, sərəncama əsasən, 200 manat məbləğində maddi yardım sığorta prinsipi ilə pensiya alanlara verilir və ümumilikdə 1,1 milyon nəfəri, yəni pensiya alanların ümumilikdə 92 faizini əhatə edir.