Pirşağı yolunda gecə sürücüləri narahat edən problem - Nasaz yol işıqları - VİDEO

Pirşağı yolunda yerləşən işıq dirəklərində lampaların yanıb-sönməsi sürücülər üçün ciddi narahatlıq yaradır.

Avtosfer.az Patrul.az-a istinadən xəbər verir ki, sözügedən vəziyyət gecə saatlarında avtomobil idarə edən şəxslərin diqqətini yayındırır, görmə imkanını zəiflədir və qəza riskini artırır.

Sürücülər bildirirlər ki, yol boyu ardıcıl şəkildə yanıb-sönən işıqlar göz yorğunluğuna səbəb olur və təhlükəsiz hərəkəti çətinləşdirir.

Məsələ ilə bağlı aidiyyəti qurumların tədbir görməsi və nasazlığın aradan qaldırılması xahiş olunur.