QHT sərgi keçirdi, toplanan vəsait DİN-ə köçürüldü - FOTO

Sərgi 30 iyul İnsan alveri ilə beynəxlalq mübarizə gününə həsr olunub

“Təmiz Dünya” Qadınlara Yardım İctimai Birliyi 1 avqust 2021-ci il tarixdə Park Bulvarda təşkilatının nəzdində fəaliyyət göstərən Qadın və uşaq sığınacağının uşaq sakinlərinin hazırladığı rəsm sərgisini həyata keçirib.

Avtosfer.az xəbər verir ki, sərgi 30 iyul İnsan alveri ilə beynəxlalq mübarizə gününə həsr olunub.

Sərginin məqsədi “Azərbaycan Respublikasında insan alverinə qarşı mübarizəyə dair 2020─2024-cü illər üçün Milli Fəaliyyət Planı”nına uyğun şəkildə insan alverinə qarşı mübarizə ilə bağlı maarifləndirmə, habelə İnsan alveri qurbanlarına kömək Fondunun fəaliyyətinin səmərəliliyinin artırılmasına dəstək məqsədi daşıyırdı.

Həyata keçirilən tədbir nəticəsində “Təmiz Dünya” Qadınlara Yardım İctiami Biliyinin uşaq rəsmləri sərgisinin satışından toplanan vəsit 847 (səkkiz yüz qırx yeddi) AZN məbləğ təşkil edib.

Təşkilat toplanmış vəsaiti DİN-in İnsan alveri qurbanlarınna Kömək Fondunun hesabına köçürüb.

AzNews.az