Saxta "icazə"lər verən taksi şirkətinin rəhbər şəxsi həbs edildi - FOTO - VİDEO

“24 Taxı” şirkətinin müdir müavini Yaqub Qafarov tanışları Roman Novruzov, Pərvin Rəhimli, Natiq Qubadov və Natiq Rzayevlə birlikdə qanunsuz yollarla vətəndaşları icazə portalından qeydiyyatdan keçiriblər. Bu barədə Avtosfer.az-a DİN-dən məlumat daxil olub. Bildirilir ki, onlar 150 manat müqabilində həmin şəxsləri şirkətdə kuryer, sürücü kuryer və taksi sürücüsü kimi qeydiyyatdan keçirib.

Bu yolla şəbəkə üzvləri xüsusi karantin rejiminin qaydalarını pozaraq sərbəst hərəkət etmək üçün 60-a yaxın vətəndaşın hər birindən 150 manat almaqla onları onları saxta sənədlər əsasında “icazə.e-gov.az” portalında qeydiyyatdan keçiriblər.

Həmin şəxslər polis tərəfindən saxlanılıb. 60-a yaxın icazə isə ləğv edilib.