Sərnişinlərin nəzərinə - bu tarixdə ictimai nəqliyyat DAYANDIRILACAQ

Nazirlər Kabinetinin “Xüsusi karantin rejimi ilə bağlı əlavə tədbirlər barədə” qərarına əsasən 26 iyun saat 00:00-dan 28 iyun saat 06:00-dək Bakı şəhərində müntəzəm sərnişindaşımaları dayandırılacaq.

Avtosfer.az Bakı Nəqliyyat Agentliyindən aldığı məlumata əsasən xəbər verir ki, 26 iyun Silahlı Qüvvələr Günü şənbə gününə təsadüf etdiyindən, 28 iyun bazar ertəsi qeyri-iş günü hesab edilir. Lakin Nazirlər Kabinetinin müvafiq qərarında da göstərildiyi kimi 28 iyun saat 06:00-dan müntəzəm sərnişindaşımaları adi rejimdə icra ediləcək.