Sürücülər üçün təhlükə törədən səki - "Nə işıq, nə yol nişanı var" - VİDEO

Bir qrup sürücü Nərimanov rayonu, Müzəffər Nərimanov küçəsindəki yolun vəziyyətindən şikayətçi olub. Avtosfer.az xəbər verir ki, bu barədə "Baku TV"nin "Qaynar xətt"inə müraciət edən sürücülər bildiriblər ki, yolun ortasındakı daş səkilər gecə saatlarında görünmədiyi üçün ərazidə tez-tez qəzalar baş verir.
Sürücülərdən biri problemin texniki təchizatla bağlı olduğunu vurğulayıb: "

İşıq yoxdur, yol nişanı yoxdur. Qaranlıqda oranı görmək mümkün deyil. Yola məsul olan qurumlar kimdirsə, gəlib bu məsələni düzəltməlidirlər".

Digər şikayətçi isə hava şəraitinin qəza riskini artırdığını qeyd edib:

"Orada neçə dəfə qəza baş verib. Xüsusən də yağışlı havalarda həmin hissəni heç görmək olmur".