Xaricdən gətirilən malların gömrük ödənişi artıb? - DGK-dan rəsmi açıqlama

Dövlət Gömrük Komitəsi xaricdən gətirilən avtomobillərin və mobil telefonların gömrük ödənişinin artırıldığı haqda məlumatlara münasibət bildirib. Avtosfer.az DGK-nın yaydığı açıqlamanı təqdim edir: 

“Bəzi sosial şəbəkə istifadəçiləri xaricdən gətirilən avtomobillərin və mobil telefonların qeydiyyatı zamanı  tələb olunan dövlət rüsumunun artımını gömrük ödənişlərinin artırılması kimi qələmə verir.

Dövlət Gömrük Komitəsi bildirir ki, gömrük ödənişlərində hər hansı artım yoxdur və qeyd olunan məsələ gömrük orqanlarının fəaliyyət sahəsinə aid deyil”.

Xatırladaq ki, bir neçə gün öncə "Dövlət rüsumu haqqında" qanuna dəyişiklik ediləcəyi ilə bağlı məlumat yayılmışdı. Bildirilirdi ki, dəyişikliyə əsasən, Azərbaycana gətirilən avtomobillərin və telefonların qeydiyyatı ilə bağlı tutulan dövlət rüsumunun məbləği artırılacaq.