Xəzərdə maşını qaçırıb ağır qəza törətdilər

Bakıda 3 nəfərin xəsarət alması ilə nəticələnən ağır yol qəzası baş verib. Bakı şəhər Baş Polis İdarəsindən verilən məlumata görə, Xəzər rayonu Buzovna qəsəbəsi Zaqulba istirahət mərkəzinin qarşısından Bakı şəhər sakinləri - 1987-ci il təvəllüdlü Bəxtiyar Həbibov Habil Əliyevə məxsus «VAZ-21099» markalı avtomobili qaçırıb. B.Həbibov Buzovna-Maştağa yolunda qaçırdığı avtomobili 1957-ci il təvəllüdlü Razim İbrahimovun idarə etdiyi «Mercedes»ə çırpıb. Nəticədə, B.Həbibov, R.İbrahimov və sərnişini 2000-ci il təvəllüdlü Nəsib Yusifov xəsarətlə 3 saylı xəstəxanaya yerləşdirilib. Araşdırmalar davam etdirilir. (Lent.az)