Yalnız 1 doza vaksin qəbul edən şəxslər mall-lara buraxılır? -AÇIQLAMA

Nazirlər Kabineti yanında Operativ Qərargahın qərarına əsasən, oktyabrın 1-dən etibarən isə yalnız hər iki vaksin dozasını qəbul etmiş şəxslər iri ticarət mərkəzlərinin, mehmanxanaların, kafelərin, restoranların və digər ictimai iaşə obyektlərinin xidmətlərindən yararlana bilir

Bu qərar qüvvəyə minəndən sonra COVİD 19 əleyhinə vaksinin yalnız 1 dozasını qəbul etmiş şəxslər iri ticarət mərkəzlərinin, mehmanxanaların, kafelərin, restoranların və digər ictimai iaşə obyektlərinin xidmətlərindən istifadə etmək istəyən vətəndaşların həmin obyektlərə buraxılıb-buraxılmaması müəyyən qədər sual yaradıb.

TƏBİB-dən Fins.az-a verilən məlumata görə, Nazirlər Kabinetinin qərarına əsasən oktyabrın 1-dən etibarən COVİD 19 əleyhinə vaksinin hər iki dozasını qəbul etmiş  şəxslər iri ticarət mərkəzlərinin, mehmanxanaların, kafelərin, restoranların və digər ictimai iaşə obyektlərinin xidmətlərindən istifadə edə bilər.Təkcə bir dozanı qəbul edərək bu xidmətlərdən istifadə etmək istəyən insanlar peyvənd olunmuş hesab olunmadığı üçün həmin obyektlərə buraxılmır. Hər iki doza qəbul edilməlidir ki, sözügedən obyektlərə giriş üçün tələb olunanan vaksin sertifikatı vətəndaşa təqdim edisin.