Yaşlı qadın 50 dərəcə istidə küçə süpürür: "JEK" müdürü qanunu niyə pozur? - VİDEO

Sosial şəbəkələrdə yayılmış video izləyənlərin hiddətinə səbəb olub.  

Avtosfer.az xəbər verir ki,  görüntülər Bakı şəhəri,  Xəzər rayonu,  Mərdəkan qəsəbəsində qeydə alınıb. "Dəniz yolu" adlanan ərazidəki piyada keçidinin yanında yaşlı qadın əlində süpürgə küçəni süpürür.  Videonu çəkən şəxs havanın 50 dərəcə isti olduğunu göstərir. 

Qeyd edək ki, Əmək Məcəlləsində hər bir işəgötürənin üzərinə işçinin sağlamlığının qorunması və əməyin mühafizə qaydalarına əməl edilməsi vəzifə kimi qoyulub. Əmək Məcəlləsinin 233-cü maddəsinə görə, havanın temperaturu 45 dərəcədən artıq qeydə alındıqda işəgötürən səlahiyyəti daxilində əməyin mühafizəsi ilə bağlı tədbir görməlidir.