Yeni tikilmiş tunel problem yaratdı və bağlandı - FOTOLAR

Həsən Əliyev küçəsi ilə Atatürk prospektinin kəsişməsindəki tunelə giriş yoxdur. Avtosfer.az-ın musavat.com-a istinadən verdiyi məlumata görə, mayın 17-si səhər saatlarında təmirə bağlanan həmin tunel bu yoldan istifadə edən sürücüləri olduqca çətin vəziyyətə salıb. Nəticədə həm Həsən Əliyev k&uuuml;çəsinin, həm də Atatürk prospektinin bu hissəsində tıxac yaranıb. Nəqliyyat Nazirliyinə məxsus Yolların Mühafizə İdarəsinin əməkdaşları bildirdilər ki, tunelin bağlanmasına səbəb asfalt örtüyünün sıradan çıxmasıdır. Təmir işləri ilə bağlı tunel bir neçə gün bağlı olacaq.

“Azəryolservis” ASC-dən isə bildiriblər ki, həmin tunelin bağlanmasına səbəb Həsən Əliyev küçəsinin asfaltlanması, orada təmir-bərpa işlərinin aparılması ilə əlaqədardır. ASC-dən bildirilib ki, tunelin özündə heç bir problem yoxdur, sadəcə maşınların Həsən Əliyev küçəsinə girişinin qarşısının alınması üçün tunelə giriş yoxdur.

Qeyd edək ki tunel 2012-ci ilin sentyabrında istifadəyə verilib.