Zəngilanda Zəfər Günü qeyd olunur - FOTO

Bu gün keçmiş məcburi köçkün zəngilanlı alimlərin Zəngilanın Ağalı kəndinə səfəri təşkil edilib.

Avtosfer.az-ın məlumatına görə, səfər itşirakçıları Ağalı kəndində təhsil alan müəllim və şagirdlərlə birlikdə meyvə ağacları əkiblər.

Hər şagird ağacların qarşısında öz ad, soyad və siniflərini, müəllimlər isə ad, soyad və tədris etdikləri fənlərin adını qeyd edən kiçik bir lövhəni də torpağa basdırıblar. Bu ağacların bundan sonrakı dövrdə həmin şagirdlər və müəllimlər tərəfindən baxımı və becərilməsi təşkil ediləcək.

Daha sonra tədbir bayram konserti ilə davam etdirilib.

Xatırladaq ki, 20 oktyabr 2020-ci ildə Zəngilan şəhəri Azərbaycan Silahlı Qüvvələri tərəfindən Ermənistan işğalından dan azad edilib. İşğaldan azad edilmiş Zəngilan rayonunda “Ağıllı kənd” konsepsiyası əsasında Ağalı kəndi yenidən salınıb. Daha sonra mərhələli şəkildə Ağalı sakinləri bu kəndə köçürülüb.