Ağdamda yanğının miqyası böyüyür: Alov daha iki kəndə doğru yayılır

Ağdam rayonu ərazisində açıq sahələrdə başlayan yanğınlar bu gün Saybalı və Bağbanlar kəndləri istiqamətinə yayılıb.

Avtosfer.az APA-ya istinadla xəbər verir ki, əraziyə Ağdam və Ağcabədi rayonlarının Yanğından Mühafizə bölmələrinin texnika və canlı qüvvəsi cəlb olunub.

Bundan başqa, Mərzili istiqamətində yanğın baş verən ərazidə ardıcıl partlayış səsləri eşidilir.

Yanğının keçmiş təmas xəttində minalanmış ərazilərə yayılması səbəbindən partlayışların baş verdiyi ehtimal olunur.

Hazırda yanğının söndürülməsi istiqamətində tədbirlər davam etdirilir. Alov yaşıllıq sahələrinə yayılaraq ağac və kollara da ziyan vurur.