Bakıda həmkarlarını işə düzəldən qadın müəllimə cinayət işi açıldı

Bakıda dələduzluq edən qadın müəllimə cinahyət işi açılıb.

Avtosfer.az xəbər verir ki, gimnaziyalardan birində riyaziyyat fənnini tədris edən 35 yaşlı Fərqanə Süleymanova dələduzluqda ittiham olunur.

Məlumata əsasən, o, arvadını Bakıdakı məktəblərin birində ingilis-dili müəllimliyinə düzəltmək istəyən Sahiblə tanış olub. Dələduzluq məqsədilə Sahibə arvadını müəllim kimi işə düzəldəcəyinə inandırıb və bunun üçün ondan ümumilikdə 13 min manat pul alıb. Lakin verdiyi sözü yerinə yetirməyib və aldığı pulları şəxsi ehtiyaclarına xərcləyib.

Zərərçəkənin şikayəti əsasında Fərqanə Süleymanova saxlanılıb və barəsində cinayət işi açılıb.

Təqsirləndirilən şəxs günahnı etiraf edib və özünə haqq qazandırmayıb. Onun sözlərinə görə, zərərçəkənə vurduğu ziyanı tam ödəyib. Zərərçəkən Sahib də həmçinin Fərqanəyə qarşı şikayət və tələbinin olmadığını deyib.

F. Süleymanova məhkəmədən barəsində amnistiya aktının tətbiq olunmasını xahiş edib.

Məhkəmənin qərarına əsasən, təqsirləndirilən şəxs barəsində amnistiya aktı tətbiq olunub və cinayət işi nə xitam verilib. (modern.az)