Dərnəgüldə avtomobil süpürgəçini vurub öldürdü - VİDEO YENİLƏNİB

Noyabrın 6-da, saat 11-də Nərimanov rayonu ərazisindən piyadavurma hadisəsi ilə bağlı çağırış daxil olub.

Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

"Çağırış ünvanına təcili tibbi yardım briqadası cəlb olunub. Briqada tərəfindən 55 yaşlı şəxsin (qadın cinsli) həkiməqədər ölümü faktı qeydə alınıb", - məlumatda qeyd olunub.

***

12:06

Paytaxtın Nərimanov rayonu, Ziya Bünyadov prospektində 32 yaşlı O.İbrahimov idarə etdiyi "Volkswagen" markalı avtomobillə piyada E.İrzayevanı vurub.

Bu barədə Daxili İşlər Nazirliyinin Mətbuat Xidmətinin əməkdaşı polis leytenantı Elbrus İbrahimov bildirib.

O qeyd edib ki, qəza noyabrın 6-da, saat 09:25-də baş verib:

"Zərərçəkən aldığı bədən xəsarətləri nəticəsində ölüb. Yol-nəqliyyat hadisəsi ilə bağlı ərazi polis orqanında cinayət işi başlanılıb, istintaq tədbirləri aparılır".

Hadisə şahidlərinin sözlərinə görə, vəfat edən şəxs ərazini süpürən təmizlik işçisi olub.