İşıq dirəyi piyadanın üzərinə aşdı, ağır xəsarətlər aldı - VİDEO

İşıq dirəyi səkidə gedən piyadanın üzərinə aşıb. Avtosfer.az xəbər verir ki, hadisə ötən gün axşam saatlarında Türkiyənin İstanbul şəhərində baş verib. Bununla bağlı görüntülər sosial şəbəkədə paylaşılıb.

Kadrlarda əli çantalı bir şəxsin səki ilə hərəkət etdiyi və anidən dəmir konstruksiyalı işıq dirəyinin onun üzərinə aşıdığı görülür.

Yerli medianın məlumatına görə, hadisə nəticəsində şəxs baş nahiyyəsindən ağır xəsarətlər alıb. Yaralı, ətrafdakı vətəndaşların xəbər verməsindən sonra gələn təcili tibbi yardım xidmətinin əməkdaşları tərəfindən xəstəxanaya çatdırılıb.

Sözügedən insidentin videosunu təqdim edirik:

Namiq Musayev