Marsda çəkilmiş kadrda qəribə hərəkətli bir məxluq görüldü

“Curiosity” marsoxodunun arxiv fotosunda havada süzən meduzaya bənzər qəribə obyekt diqqət çəkib.

Avtosfer.az xəbər verir ki, bu barədə “Daily Mail” nəşri məlumat yayıb.

Qeyri-adi foto 2023-cü il avqustun 20-də Marsda çəkilib. Təsvirin sol küncündə ya iki nazik ayağı olan süzən məxluqu, ya da hansısa mexaniki qurğunu xatırladan kiçik fiqur seçilir. Panoramdan bir dəqiqədən də az əvvəl həmin ərazidən əldə olunmuş fotolarda bu fiqur yoxdur. Bu, obyektin hərəkətdə olduğuna işarə edə bilər. Dərc edilmiş növbəti kadr təxminən iki saat sonra, aparatın kamerası başqa tərəfə yönəldilərkən çəkilib.

Həkimlər bu cür “kəşfləri” pareydoliya - insan beyninin təsadüfən formalaşmış fiqur və təsvirlərə tanış mənalar yükəldiyi görmə illüziyasının bir növü ilə izah edirlər.

Marsda dəfələrlə müxtəlif obyektlərə bənzəyən daşlar lentə alınıb. Fotolarda başqa şeylərlə yanaşı, ayı başı, göbələk, döyüşçünün yonulmuş fiquru, kiçik qar adamı, qaşıq, bud sümüyü və həşəratlar tapılıb./publika