Ramiz Mehdiyevin səhhəti pisləşdi - Təcili yardım çağırıldı

Hazırda ev dustaqlığında saxlanılan Prezident Administrasiyasının sabiq rəhbəri Ramiz Mehdiyevin səhhəti pisləşib. Avtosfer.az “Gununsesi.info”ya istinadən xəbər verir ki, dünən gecə saatlarında sabiq PA rəhbərinin səhhəti pisləşib və təcili tibbi yardım çağırılıb. Ramiz Mehdiyevin ailəsi özəl klinikaların birindən həkim briqadası çağırıb. İlkin tibbi yardım göstəriləndən sonra Mehdiyevin səhhəti qaydasına düşüb. Vurğulanıb ki, Ramiz Mehdiyev tənəffüs yollarındakı problemlərdən əziyyət çəkir.

Qeyd edək ki, Ramiz Mehdiyev DTX-nin İstintaq Baş İdarəsində cinayət məsuliyyətinə cəlb olunub. Onun barəsində ev dustaqlığı qətimkan tədbiri seçilib. Xatırladaq ki, Ramiz Mehdiyev dövlət çevrilişinə cəhd, vətənə xəyanət və korrupsiya kimi ağır ittihamlarla istintaqa cəlb olunub.

***

Hazırda ev dustaqlığında saxlanılan Prezident Administrasiyasının sabiq rəhbəri Ramiz Mehdiyevin səhhətinin pisləşdiyinə dair məlumat yayılıb. Təcili və Təxirəsalınmaz Tibbi Yardım Stansiyasından bildirilib ki, Ramiz Mehdiyevlə bağlı hər hansı çağırış olmayıb.