Çin maşınları əksər müştərilərin tələblərinə cavab vermir

Bu gün Çinin bir məqsədi də elektrik dartılı yük avtomobilləri bazarında da liderliyi ələ keçirməkdir.

Avtosfer.az xəbər verir ki, ölkə artıq elektromobil bazarında liderliyə nail olub. Yük texnikası sahəsində də bir çox şirkət cidi iş görür. Çin müəssisələrinin sürətli inkişafına səbəb yerli və ucuz xammaldan istifadədir.

2023-cü ildə dünyada satılan elektrik dartılı yük avtomobillərinin 70 faizi Çində istehsal olunub. Lakin bu, yük avtomobili bazarının cəmi 1 faizini təşkil edir. 

BYD və Foton şirkətlərinin istehsalı olan yük elektromobilləri bu gün arrtıq İtaliya, Polşa və Meksika yollarında şütüyür. Sözügedən şirkətin bir neçə ölkədə zavodları fəaliyyət göstərir. 

Çin texnikası barədə ilk ağla gələn məsələ keyfiyyət olur.

Fransız ekspert Stev Dyerin fikrincə “inkişaf etməkdə olan bazarlarda Çinin avtomobilləri özünü doğruldub. Lakin inkişaf etmiş ölkələrdə Çin texnikasının performansı və uzunömürlülüyü müştərilərinin çoxunun tələblərinə cavab vermir”.
Vüqar Yaşaroğlu