Türkiyə otellərində yeni qayda - FOTO

Türkiyə hökuməti pasportlarla bağlı yeni qayda tətbiq edib. 

Avtosfer.az xəbər verir ki, Şəxsi Məlumatları Qoruma Qurumunun (KVKK) qərarı ilə otel, motel, pansionat və digər qonaqlama yerlərində vətəndaşların pasport və şəxsiyyət vəsiqələrinin surətinin çıxarılması qadağan edilib. 

Bundan sonra otelə gələn şəxsin pasport məlumatları yoxlanaraq Daxili İşlər Nazirliyinin bazasına daxil ediləcək. Şəxsiyyəti təsdiq edən sənədin surətinin çıxarılması və ya şəklinin çəkilməsi qadağan edilib. Qadağa həm Türkiyə vətəndaşlarına, həm də əcnəbilərə şamil edilir. 

Qərarın verilməsinə səbəb otellərin şəxsi məlumatların qorunmasına biganə yanaşmasıdır. Otellərdə qonaq olmuş şəxslərin pasportlarının surətləri ora-bura atılıb, bəzən külək vurub küçələrə səpələnib. 

Qərara əsasən, otel, motel, pansionat və digər qonaqlama yerlərində toplanmış pasport surətləri dərhal yandırılaraq məhv edilməlidir.

Vüqar