27 qardaş, 27 silahdaş, 27 şəhid: şad günün dostları şəhadətə də birgə yüksəldilər - VİDEO

Ölüm Allah işidir, ayrılıq işgəncədir. Bu mahnıya qol qaldırıb oynayan oğullar şəhidliyin ölümlərin ən alisi olduğunu bilirdilər. 27 qardaş, 27 silahdaş və 27 şəhid...
Səngərdə ciyin-ciyinə döyüşüb, məclisdə qol-boyun rəqs edən bu oğulları ölüm belə ayıra bilməyib. Torpağa da belə eyni adla tapşırılıblar. Bununla bağlı görüntülər Ağcabədi rayonunda Ucal Əliyevin toy günündə lentə alınıb. Rəqs edənlərdən biri komandir, digərləri isə onun hərbçi yoldaşlarıdır. Toyunda üzündə gülüş və sevinclə hərbçi qardaşları ilə oynayan bəy indi şəhid qardaşlarından danışarkən səsi titrəyir. Ucal Əliyev də 44 günlük Vətən müharibəsinin iştirakçisi olub. Döyüşlərin birində yaralanan hərbçimiz hazırda Kəlbəcər rayonunda xidmətini davam etdirir. Bir neçə gündür ki, sosial şəbəkələrdə yayılan bu kadrlar bir çox insanlara duyğulu anlar yaşadıb. Kadrları isə şəhid mayor Vüsal Vəliyevin qardaşı Elyar İslamoğlu paylaşıb. Toyda iştirak edib, qol qaldırıb oynayanlardan biri də şəhid mayor Anar Novruzovdur. Şücaəti ilə döyüşlərdə əfsanəyə çevrilən "Akula" ləqəbli kəşfiyyatçımız şərəfli döyüş yolu keçib və igidliklə şəhadətə ucalıb. Digər bir kadrlar isə Anar Novruzovun toyunda lentə alınıb. Bu toyda əyinlərində hərbi geyimləri ilə qol qaldırıb, rəqs edən oğullardan bir neçəsi elə Anar Novruzov kimi şəhadətə yüksəlib. Toyda rəqsi ilə ürəkləri fəth edən oğullardan biri də şəhid Emin Sadiqovdur. Evin yeganə övladı olan Eminin anası Gülşad Rüstəmova üçün də bu kadrları seyr etmək asan deyil. "Oğul balamın axrıncı dəfə qol qaldırıb oynadığı toy məhz Ucalın toyu olub. O kadrları görəndə bir ana kimi bağrım sızıldadı". Bu sözlər isə şəhid Yaşar Babayevin anası Firəngiz Babayevanın dodaqlarından süzülür... Bir-birlərinin şad günlərində qol qaldırıb oynayan bu igidlər həm də şəhadətləri ilə Vətəni şad günlərə çıxardılar. Allah şəhadətinizi qəbul eləsin!
Videomaterialı təqdim edirik:
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ












