Ağcabədinin İmamqulubəyli kəndinin yolu bu vəziyyətdədir - VİDEO

Ağcabədinin İmamqulubəyli kəndində bir neçə ay əvvəl  yol çəkilişinə başlansa da sonradan işlər yarımçıq dayandırılıb. Sakinlər işlərin davam etdirilməsi ilə bağlı adiyyatı dövlət orqanlarına müraciət etsələr də heç bir cavab verilməyib.

Avtosfer.az xəbər verir ki, kəndin yarısının yolu çəkilib yarısı qalıb. Söhbət Ağcabədi rayonunun İmamqulubəyli kəndindən gedir. Kənd sakinlərinin sözlərinə görə, ötən ilin oktyabr və noyabr aylarında kəndin girişinə və sonuna asvalt örtüyü döşənsədə kəndin mərkəzinə asvalt vurulmayıb. Kənd yolunun  1km qədər  məsafəsi asvaltsız qalıb. Kənd camaatı bildirir ki, çala çuxurlu yollarda avtomobillə  hərəkət etmək olduqca çətindir. Bu da maşınları tez sıradan çıxarır. Yaranmış vəziyyətlə bağlı sakinlər rayon icra hakimiyyətinə və yerli yol istismar idarəsinə müraciət etsələrdə problem həll edilməmiş qalır. Məsələylə bağlı Ağcabədi rayon icra hakimiyyətindən "Xəzər xəbər"ə bildirilib ki, 44 günlük Vətən müharibəsi zamanı kəndə çoxlu artireliya mərmiləri düşdüyündən kənd yoluna da ziyan dəyib. Dövlət komissiyası tərəfindən müəyyən edilən akta əsasən mərminin dağıtdığı ərazilərdə yolun bərpası həyata keçirilib. Yəni burada yolun əsaslı təmirdən söhbət gedə bilməz.