Azərbaycanda dəmir yolu ilə sərnişin daşımaları kəskin artıb

Ötən il Azərbaycanda dəmir yolu nəqliyyatı ilə 15,1 mln. ton yük, 2 825,8 min sərnişin daşınıb.

Dövlət Statistika Komitəsindən Avtosfer.az-a verilən məlumata görə, 2020-ci illə müqayisədə yük daşınmasında 3%, sərnişin daşınmasında isə 33% artım müşahidə olunub.

"Orta hesabla sutkada 361 vaqon yüklənmiş, 351 vaqon isə boşaldılıb. Sutka ərzində dəmir yolunun Şimal istiqaməti üzrə 17,6 min ton, Qərb istiqaməti üzrə 3,3 min ton, Cənub istiqaməti üzrə isə 0,7 min ton yüklənmə işi yerinə yetirilib", - məlumatda qeyd olunur.