Bakının mərkəzində yol bu vəziyyətdədir - VİDEO
Xəbərlər 23 Yanvar 2022 00:03 Oxunub 2008
Bakının mərkəzində yol bu vəziyyətdədir - VİDEO

Bu küçənin sakinləri,  yaşadıqları ərazinin yollarında  asfalt örtüyünün olmamasından şikayətçidir. Onlar iddia edirlər ki,  bununla bağlı dəfələrlə  aidiyyəti qurumlara müraciət etsələr də, heç bir nəticəsi olmayıb.

Paytaxtın Xətai rayonu, Polad Həşimov küçəsinin yollarında uzun müddətdir ki, asfalt örtüyü yoxdur. Bununla bağlı Xəzər Xəbər-ə müraciət edən sakinlər iddia edirlər ki, məsələ dəfələrlə aidiyyəti qurumların diqqətinə çatdırılsa da, nəticəsi olmayıb.

Sakinlər deyirlər ki, əraziyə çağırdıqları təcili tibbi yardım maşınları yol yararsız olduğundan ya gəlməkdən imtina edirlər, ya da çox gec gəlirlər.

Xətai rayon İcra Hakimiyyətindən bildirildi ki, problem yaxın vaxtlarda aradan qaldırılacaq.

Görünür, 3 ildir səbir edən sakinlərin havaların normallaşmasını gözləməkdən başqa çarələri qalmayıb.

ŞƏRH YAZ
Ad

E-mail

Şərh