Başqasının maşınını qaçırdı, amma sürməyə macal tapmadı

Sumqayıt ŞPİ-nin 4-cü Polis Bölməsinə yanvarın 25-də 32-ci məhəllə ərazisindən şəhər sakini Q.Əhmədovun "Opel" markalı avtomobilinin qaçırılması barədə məlumat daxil olub.

Bu barədə Daxili İşlər Nazirliyindən (DİN) Avtosfer.az--a verilən məlumatda bildirilib.

Qeyd olunub ki, polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Sumqayıt sakini, əvvəllər məhkum olunmuş E.Nöhbalıyev müəyyən edilərək saxlanılıb.

Hazırda Sumqayıt ŞPİ-də araşdırma aparılır.