BNA-da yüksək vəzifə verilən məşhur reper danışdı - "Təlimlər önəmlidir" - FOTO

Xəbər verdiyimiz kimi, “Qurd” ləqəbi ilə tanınan məşhur reper Fərid Eminova Bakı Nəqliyyat Agentliyində vəzifə verilib. BNA-da Sağlamlıq, Əməyin Təhlükəsizliyi və Ətraf Mühit (SƏTƏM) üzrə baş mühəndis vəzifəsində çalışan Fərid Eminov yeni işi, eyni zamanda reper olaraq da sənətinə davam edib-etməyəcəyi ilə bağlı publika.az-ın suallarını cavablandırıb.
- Fərid bəy, neçə müddətdir Bakı Nəqliyyat Agentliyində çalışırsınız?
- Artıq 7 aydır ki, BNA-da işləyirəm.
- Necə oldu baş mühəndis kimi işə başladınız?
- Mən universiteti bitirəndən, 22 yaşımdan mühəndis kimi neft qazmada, neft istismarda, kimyəvi zavodda, BP-də (British Petroleum) “Azerenerji”də, bir çox kimyəvi zavodlarda mühəndis kimi işləmişəm. Hazırda BNA-da bu vəzifəyə boş yer olduğu üçün mən də müraciət etmişəm, müsahibədən keçmişəm və işləyirəm. Burada qeyri-adi bir şey yoxdur.
- Qərarınıza pandemiyanın təsiri oldumu?
- Xeyr, pandemiyanın heç bir təsiri yoxdur, mən əvvəldən bu sahədəyəm.
- Pandemiya bitdikdən sonra necə olacaq, toylarla bərabər tənzimləyə biləcəksinizmi?
- Əlbəttə, həmişə elə olub. Mən əvvəldən bir çox şirkətlərdə mühəndis kimi işləmişəm. Bu sahədə dayanmamışam, daim fəaliyyət göstərmişəm. Bəlkə də bunu çoxu bilmirdi, ancaq 22 yaşımdan mühəndis olaraq çalışıram. Həm də niyə tənzimləməyək ki? İnsan çalışmalıdır, işləməlidir. Bu da ikinci işimdir, niyə də olmasın. Ömrü boyu iki işlə məşğul olmuşam, niyə indi də ikisi ilə məşğul olmayım ki?

- Sənət dostlarınız necə reaksiya göstərdi?
- Həmkarlarımın çoxu bilirdi ki, mənim əlavə işim var və həmişə də işləmişəm. Yəni bu, onlar üçün yeni bir xəbər deyil.
- Yəqin BNA-dakı işinizlə əlaqəli ixtisasdan məzunsunuz.
- Azərbaycan Texniki Universitetini bitirmişəm. Əməyin mühafizəsi üzrə mühəndisəm, bu sahə üzrə məzunam.
- Bu sahədə yəqin ki, özünüzü inkişaf etdirməyi düşünürsünüz.
- Əlbəttə. Əgər mühəndisiksə, hazırkı dövrdə inkişaf əlbəttə ki, vacibdir. Təlimlər və s. önəmlidir.
- Uğurlar arzulayırıq sizə.
- Təşəkkür edirəm.
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı












